ब्राउन सुगरसहित एक जना पक्राउ

२१ असार, नेपालगञ्ज । नेपालगञ्जको जमुनाहा नाकाबाट लागुऔषध ब्राउन सुगरसहित एक जना पक्राउ परेका छन् । पक्राउ पर्नेमा बाँके कोहलपुर नगरपालिका वडा ११ बस्ने ४० वर्षीय खिट्टन थारु रहेका छन् ।
लागुऔषध व्यूरोको टोली र जमुनाहा प्रहरीको टोलीले चेकजाँच गर्दा थारुले झोलामा लिएर आएको आँपसँगै लुकाएर राखेको अन्दाजी १ ग्राम ब्राउन सुगर फेला परेको जमुनाहा प्रहरीका इन्चार्ज माधव रिजालले जानकारी दिएका छन् ।
पक्राउ परेका थारुलाई जिल्ला प्रहरी कार्यालय बाँकेको हिरासतमा राखेर थप अनुसन्धान भइरहेको प्रहरीले जनाएको छ ।