ठगी गर्दै हिँड्ने चौधरी पक्राउ

२२ मंसिर, नेपालगञ्ज । सवारी चालक अनुमति पत्र (लाईसेन्स) बनाईदिन्छु भनि ठगी गर्दै हिँड्ने एक जनालाई बाँके प्रहरीले पक्राउ गरेको छ ।
पक्राउ पर्नेमा बर्दिया ठाकुरबाबा न.पा. ८ बस्ने बर्ष २८ को सुरेश चौधरी रहेका छन् ।
उनले विभिन्न व्यक्तिहरुसंग नगद रुपैया लिई ठगि गरेको भन्ने सूचना जिल्ला प्रहरी कार्यालय, बाँकेमा प्राप्त भएपछि जिल्ला प्रहरी कार्यालय, बाँकेबाट खटिएको प्रहरी टोलीले निज चौधरीलाई बुधबार पक्राउ गरेको हो ।
चौधरीलाई पक्राउ गरि आवश्यक अनुसन्धान एवं कारवाही अघि बढाइएको जिल्ला प्रहरी कार्यालय, बाँकेका सूचना अधिकारी एवं प्रवक्ता प्रहरी नायब उपरीक्षक नारायण डाँगीले जानकारी गराएका छन् ।