ब्राउन सुगरसहित २ जना पक्राउ

१७ कार्तिक, नेपालगञ्ज । प्रहरीले ब्राउन सुगरसहित २ जनालाई पक्राउ गरेको छ ।
पक्राउ पर्नेमा नेपालगञ्ज–४ बस्ने १८ वर्षका अमिर शेष र नेपालगञ्ज–१ बस्ने २२ वर्षका विनय बि.क. रहेका छन् ।
बिहीवार राती ९ बजेको समयमा नेपालगञ्ज–४ भानुभक्त चोक नजिकबाट वडा प्रहरी कार्यालय नेपाालगञ्ज तथा लागू औषध नियन्त्रण ब्यूरोको संयुक्त टोलीले उनीहरुलाई पक्राउ गरेको हो ।
शंकास्पद अवस्थामा हिँडीरहेका ती दुवै जनालाई चेकजाँच गर्दा अमिर शेषले लुकाई राखेको लागू औषध ब्राउनसुगर जस्तो देखिने ८ ग्राम ५०० मिलिग्राम धुलो बरामद गरी थप अनुसन्धान भइरहेको जिल्ला प्रहरी कार्यालय, बाँकेका सूचना अधिकारी प्रहरी नायब उपरीक्षक नारायण डाँगीले जानकारी गराएका छन् ।