१७ फागुन, नेपालगञ्ज । प्रहरीले २ किलो ७०० ग्राम लागु औषध चरेश सहित २ जना पक्राउ गरेको छ ।
बुधवार बिहान करिब ८ः३० बजेको समयमा बाँकेको कोहलपुर नगरपालिका वडा न.१२ चप्परगौडी स्थित सडकमा सोही ठाउँ बस्ने बर्ष २५ को प्रकाश सिह र बर्ष १९ को मिलन बि.क.ले लागु औषध चरेश बिक्रि बितरण गरी रहेको भन्ने बिशेष सूचनाका आधारमा उनिहरुलाई पक्राउ गरिएको जिल्ला प्रहरी कार्यालय, बाँकेले जनाएको छ ।
जिल्ला प्रहरी कार्यालय–बाँके, लागु औषध नियन्त्रण ब्युरो शाखा कार्यालय–बाँके तथा ईलाका प्रहरी कार्यालय कोहलपुर समेतबाट खटेको संयुक्त प्रहरी टोलीले निज प्रतिवादीहरुलाई शंकास्पद रुपमा हिँडिरहेको अवस्थामा फेला पारी नियन्त्रणमा लिएको हो ।
नियन्त्रणमा लिइएकाहरुको शरीर रितपूर्बक खानतलासी गर्दा उनीहरु मध्ये प्रतिवादी प्रकाश सिंहले हातमा बोकी राखेको रातो रङको प्लाष्टिकको झोला भित्र लुकाई छिपाई राखेको लागु औषध चरेश जस्तो देखिने पदार्थ तत्काल नाप तौल गर्दा २ किलो ७०० ग्राम र निजको साथबाट रेडमी कम्पनीको स्क्रिम टच मोबाईल थान १ समेत फेला पारिएको छ ।
स्थानिय मानिसहरुको रोहबरमा दशिको सामान बरामद गरी निजहरु प्रकाश सिंह र मिलन बि.क. लाई पक्राउ गरी बाँके जिल्ला अदालतबाट ५ दिनको हिरासतमा राख्ने अनुमति लिई थप अनुसन्धान कार्य भइरहेको जिल्ला प्रहरी कार्यालय, बाँकेले जनाएको छ ।
