११ श्रावण, नेपालगञ्ज । केही दिन अघि अनाहकमा ज्यान गुमाएका इर्साद राई कबडियाको परिवारलाई नेपालगञ्ज वडा नं ५ निवासी समाजसेवी अजीज मलिकले सहयोग प्रदान गरेका छन् ।
श्रावण ११ गतेका दिन आफ्नो जन्म दिवसको अवसरमा अजीज मलिकले मृतक राईको परिवारलाई खाद्यान्न लगायतको सामान सहयोग गरेका हुन् ।
मलिकले सहयोग गरेको सामानमा चामल, दाल, चान चिनी पिठो, नुन, तेल र बच्चाले लगाउने डाईपर रहेको छ । साथै ग्यास सिलिण्डर तथा एउटा चुलो पनि सहयोग गरेका छन् ।
समाजसेवी अजीजले सबैसँग बढी भन्दा बढी मृतक राईको परिवारलाई सहयोग पु¥याउन हार्दिक अनुरोध समेत गरेका छन् ।
मृतक राईको श्रीमति र ४ छोरी रहेका छन् । ३ दिन अगाडि मात्र चौथो छोरीको जन्म भएको मृतक राईको परिवारले जनाएको छ ।
नेपालगञ्ज उपमहानगरपालिका वडा नं ११ का इर्साद राईको गत २८ असारमा नेपालगञ्ज टाँगा स्ट्यान्ड नजिक खुकुरी प्रहार गरी हत्या गरिएको थियो ।
समाजसेवी अजीज सामाजिक कार्यमा अग्रसर भई गरीब दुखीलाई सहयोग गर्ने गरेका छन् । बिरामीलाई रगत, औषधि, फलफूल आदि विभिन्न किसिमको सहयोग गर्ने गरेका छन् ।
अजीज मलिक यतिखेर परीक्षा दिन भारत गएको बेला पनि आफ्नो जन्मदिनको अवसरमा साथीहरुको हातबाट मृतक राईको परिवारलाई सहयोग गरेका हुन् ।
राईको परिवारले मलिकलाई आशिर्वाद तथा उत्तरोत्तर प्रगतिको शुभकामना व्यक्त गरेका छन् ।
