१२ असार, नेपालगञ्ज । ‘लागू औषध दुरुपयोग विरुद्ध लडौः रोकथाममा जोड दिऔ’ भन्ने मूल नाराका साथ बुधवार लागू औषध बिरुद्धको अन्तराष्ट्रिय दिवस विभिन्न कार्यक्रम गरि मनाइएको छ ।
३७औं लागू औषध बिरुद्धको अन्तराष्ट्रिय दिवसका अवसरमा नेपालगञ्जमा बृहत प्रभातफेरी कार्यक्रम गरिएको छ ।
सो कार्यक्रममा बाँके जिल्लाका प्रमुख जिल्ला अधिकारी, नेपाल प्रहरीका अधिकृत तथा जवान, सशस्त्र प्रहरीका अधिकृत तथा जवान, लागू औषध बिरुद्ध काम गर्ने बिभिन्न निकाय तथा संघ–सस्था, बिभिन्न स्कूलका विद्यार्थी, समाजसेवी, मिडियाकर्मी लगायतको उपस्थिति रहेको थियो ।
प्रभातफेरी जिल्ला प्रशासन कार्यालय बाँकेको प्राङ्गणबाट सुरु भइ धम्बोझी चोकस्थित सडक नाटक प्रदर्शन पश्चात कार्यक्रमको समापन भएको जिल्ला प्रहरी कार्यालय, बाँकेले जनाएको छ ।
