लागू औषध अफिम सहित २ जना मानिस पक्राउ

१८ असार, नेपालगञ्ज । लागू औषध अफिम सहित २ जना मानिसलाई प्रहरीले पक्राउ गरेको छ ।
बाँकेको कोहलपुर न.पा. १४ हवल्दारपुर ह्याप्पि वोल्ड फन पार्क अगाडि शंकास्पद रुपमा बसिरहेका जिल्ला जाजरकोट शिवालय गा.पा. ७ भिउस घर भई हाल जिल्ला बर्दिया बासगढी न.पा. ९ माछागढ बस्ने वर्ष ५५ को राम बहादुर शाही र जिल्ला जाजरकोट बारेकोट गा.पा. ८ सेपुखोला बस्ने वर्ष ३५ को पुर्ण बहादुर बि.क. लाई ईलाका प्रहरी कार्यालय कोहलपुरबाट खटिएको प्रहरी टोलीले पक्राउ गरेको हो ।
शंका लागि चेकजाँच गर्दा पुर्ण बहादुर बि.क. ले पछाडि बोकेको कालो झोलामा अफिम जस्तो देखिने गिलो पदार्थ फेला पारी शुद्ध तौल गर्दा ५ के.जी. ८६५ ग्राम र सोही स्थानमा रोकी राखेको राम बहादुर शाहीको कर्णाली प्रदेश०२–००२प ११८६ नं. को मोटरसाईकल सहित फेला पारी निज दुई जना मानिसलाई नियन्त्रणमा लिइएको छ ।
पक्राउ परेकाहरुलाई बाँके जिल्ला अदालबाट मंगलवार ५ म्याद थप अनुमति लिई थप अनुसन्धान एवं कारवाही प्रक्रिया अगाडि बढाइएको जिल्ला प्रहरी कार्यालय, बाँकेले जनाएको छ ।